សូមស្វាគមន៍

ចុចតាមរយៈសិក្ខាសាលាបើកចំហតាមអនឡាញនេះ ដើម្បីស្វែងយល់បន្ថែមអំពីគម្រោងសម្រាបបរិក្ខារគ្រប់គ្រងអាកាសធាតុសើមនៅមាត់ទន្លេ Duwamish ក្នុងទីប្រជុំជនប៉ែកខាងត្បូង (South Downtown, SODO)។

របៀបចូលរួម៖

1. ប្រើម៉ឺនុយនៅផ្នែកខាងលើនៃទំព័រនេះដើម្បីផ្លាស់ទីរវាងទំព័រ។

2. សូមកុំខកខានឱកាសមួយនេះដើម្បីចែករំលែកគំនិតរបស់អ្នក! បំពេញកម្រងសំណួរស្ទង់មតិរបស់យើងនៅលើទំព័រនីមួយៗនៃសិក្ខាសាលាបើកចំហតាមអនឡាញ។ ត្រូវប្រាកដថាចុចលើពាក្យថា “comment” (មតិយោបល់) ឬ “confirm your selection” (បញ្ជាក់ការជ្រើសរើសរបស់អ្នក) ដូចដែលបានបង្ហាញនៅពេញការស្ទង់មតិដើម្បីកត់ត្រាអំពីចម្លើយរបស់អ្នក។

3. សូមចូលមើលទំព័រ ជូនព័ត៌មាន ឬ គេហទំព័ររបស់គម្រោង ដើម្បីស្វែងយល់អំពីសិក្ខាសាលាបើកចំហដោយផ្ទាល់ និងកិច្ចប្រជុំនិម្មិតជាសាធារណៈនាពេលខាងមុខរបស់យើង។

សិក្ខាសាលាបើកចំហតាមអនឡាញនេះនឹងនៅតែមានសុពលភាពចាប់ពីថ្ងៃទី 1 ខែមិថុនា ដល់ថ្ងៃទី 31 ខែសីហា ឆ្នាំ 2024។ ខោធី King (King County) សូមកោតសរសើរចំពោះការបញ្ចូលរបស់អ្នក នៅពេលដែលយើងធ្វើការដើម្បីកំណត់ដំណោះស្រាយដ៏ល្អបំផុតសម្រាប់គម្រោងនេះ។

ដោះស្រាយលំហូរទឹកស្អុយរួមបញ្ចូលគ្នានៅ SODO

ភាគច្រើននៃខោធី King មានបណ្តាញបំពង់លូដែលបញ្ជូនទឹកសំណល់ដោយផ្ទាល់ទៅកាន់រោងចក្រប្រព្រឹត្តិកម្មដើម្បីសម្អាតទឹក។ ទោះជាយ៉ាងណាក៏ដោយ នៅក្នុងផ្នែកដែលកាន់តែចាស់នៃប្រព័ន្ធ រួមទាំងតំបន់នៅក្នុងទីក្រុង Seattle ដែលទឹកភ្លៀងហូរចូលទៅក្នុងបំពង់លូដដែលទៅនឹងទឹកសំណល់។ នេះត្រូវបានគេហៅថាប្រព័ន្ធលូរួមបញ្ចូលគ្នា។

នៅពេលព្យុះភ្លៀងធ្លាក់ខ្លាំងដែលទៅបំពេញបំពង់លូ ចំណុចបង្ហូររបស់ប្រព័ន្ធលូទឹកស្អុយរួមបញ្ចូលគ្នា (Combined Sewer Overflow, CSO) បានបញ្ចេញទឹកបណ្ដាលមកពីព្យុះ និងទឹកស្អុយចូលទៅក្នុងបឹងក្នុងតំបន់ ហើយធ្វើសកម្មភាពជាចំណុចសង្គ្រោះចាំបាច់ ដើម្បីការពារការស្ទះប្រព័ន្ធលូនៅក្នុងផ្ទះ អាជីវកម្ម និងតាមដងផ្លូវ។ ទឹកដែលបញ្ចេញតាមរយៈការបង្ហូររបស់ប្រព័ន្ធ CSO ជាធម្មតាមានទឹកបណ្ដាលមកពីព្យុះប្រហែល 90% និងទឹកស្អុយ 10%។ សព្វថ្ងៃ ខោធី King កំពុងធ្វើទំនើបកម្មប្រព័ន្ធដែលមានអាយុកាលជាងមួយសតវត្សមកហើយនេះ។ ខោធី King កំពុងស្វែងរកការស្វែងយល់ពីជម្រើសដែលអាចធ្វើទៅបានដើម្បីគ្រប់គ្រងការបំពុលពីចំណុចបង្ហូរទាំងនេះ និងបំពេញតាមតម្រូវការបទប្បញ្ញត្តិ និងបរិស្ថាន។

បរិក្ខារគ្រប់គ្រងអាកាសធាតុសើមនៅមាត់ទន្លេ Duwamish នឹងគ្រប់គ្រងចំណុចបង្ហូររបស់ប្រព័ន្ធ CSO ចំនួនប្រាំដែលមានទីតាំងនៅភាគខាងកើត និងខាងលិចផ្លូវទឹកនៃទន្លេ Duwamish River ទាំងសងខាងនៃកោះ Harbor Island និងតាមបណ្តោយច្រាំងទន្លេ Elliott Bay ក្នុង SODO។

នៅថ្ងៃស្ងួត ទឹកសំណល់ហូរទៅរោងចក្រប្រព្រឹត្តិកម្មដោយផ្ទាល់ដើម្បីសម្អាត។

នៅពេលដែលមានព្យុះភ្លៀងខ្លាំងលើសចំណុះបំពង់លូពេញទៅដោយទឹកព្យុះ លំហូរត្រូវបានបង្វែរជាបណ្តោះអាសន្នតាមរយៈចំណុចបង្ហូររបស់ប្រព័ន្ធ CSO ទៅក្នុងបឹងក្នុងតំបន់។ នេះការពារការការស្ទះទឹកសំណល់ចូលទៅក្នុងផ្ទះ និងអាជីវកម្មវិញ។

ការធ្វើនៅចំណែករបស់យើងដើម្បីការពារទឹករបស់យើង

ចាប់តាំងពីឆ្នាំ 1979 មក ខោធី King បានធ្វើឱ្យមានវឌ្ឍនភាពយ៉ាងខ្លាំងក្លាក្នុងការគ្រប់គ្រងចំណុចបង្ហូររបស់ប្រព័ន្ធ CSO នៅ Puget Sound និងបឹងក្នុងតំបន់ផ្សេងៗទៀត។ គិតត្រឹមឆ្នាំ 2023 យើងបានគ្រប់គ្រងការធ្លាក់ចុះនៃ CSO សរុបចំនួន 18 ក្នុងចំណោម 38 ដោយដោះស្រាយលំហូរហូរហៀរ ដើម្បីកាត់បន្ថយការបំពុលទៅក្នុងបឹងក្នុងតំបន់។ ប៉ុន្តែការងាររបស់យើងមិនទាន់បានសម្រេចនៅឡើយទេ។ ការគ្រប់គ្រងចំណុចបង្ហូរនៃប្រព័ន្ធ CSO នៅមាត់ទន្លេ Duwamish River តំណាងឱ្យចំណុចមួយដ៏ធំនៃចំណុចបង្ហូរនៃប្រព័ន្ធ CSO ដែលនៅសេសសល់ដែលយើងព្យាយាមគ្រប់គ្រងនោះ។

គម្រោងនេះគាំទ្រដល់កិច្ចខិតខំប្រឹងប្រែងរបស់ខោធី King ដើម្បីបំពេញតាមបទប្បញ្ញត្តិបច្ចុប្បន្នរបស់ក្រសួងបរិស្ថានវិទ្យារដ្ឋ Washington (Washington State Department of Ecology) ដែលតម្រូវឱ្យមានការហូរហៀរមិនលើសពីមួយដងក្នុងមួយឆ្នាំជាមធ្យមរយៈពេលវែងនោះឡើយ។ ការងារនេះបំពេញតាមតម្រូវការផ្លូវច្បាប់ រួមទាំងការយល់ព្រមជាមួយទីភ្នាក់ងារការពារបរិស្ថានសហរដ្ឋអាមេរិក (Environmental Protection Agency, EPA) និងក្រសួង Washington State Department of Ecology។

យើងប្តេជ្ញាចិត្តក្នុងការស្តាប់តម្រូវការរបស់សហគមន៍

គោលបំណងរបស់ខោធី King គឺដើម្បីផ្តល់នូវគម្រោងដែលការពារសុខភាពសាធារណៈ និងបរិស្ថាន ខណៈពេលដែលឆ្លុះបញ្ចាំងពីគុណតម្លៃនៃសង្កាត់ និងសំឡេងសហគមន៍។ ចាប់តាំងពីគម្រោងនេះបានចាប់ផ្តើមនៅចុងឆ្នាំ 2023 យើងបានពិនិត្យគម្រោង និងរបាយការណ៍សហគមន៍ជាង 60 នៅទូទាំងខោធី King County និងយុត្តាធិការក្នុងតំបន់ផ្សេងទៀត ដើម្បីយល់កាន់តែច្បាស់អំពីគុណតម្លៃនៃសមាជិកសហគមន៍ Duwamish Valley។

នៅពេលយើងចូលរួមជាមួយសហគមន៍ ខោនធី King ក៏កំពុងពង្រីកខ្លួនដើម្បីរួមបញ្ចូល និងសហការជាមួយរដ្ឋាភិបាលកុលសម្ព័ន្ធនៅក្នុងតំបន់ និងដៃគូនៃសេវាសាធារណៈប្រើប្រាស់នៅទីក្រុង Seattle ផងដែរ។

ខោនធី King បានពិនិត្យមើលលើគម្រោង និងរបាយការណ៍សហគមន៍ជាង 60 រួមមានគម្រោងសកម្មភាព Duwamish Valley គម្រោងយុទ្ធសាស្ត្រ SODO BIA គម្រោង CSO Art Master យុទ្ធសាស្ត្រកំពង់ផែ ខ្យល់ស្អាតពាយព្យ និងច្រើនទៀត។

សូមអាននៅខាងក្រោមនេះដើម្បីដឹងថាតើគុណតម្លៃសហគមន៍ណាមួយដែលយើងបានកំណត់នៅក្នុងការពិនិត្យមើលលើគម្រោងរបស់យើង។ យើងនឹងមានសំណួរនៅចុងបញ្ចប់នៃផ្នែកនេះ ដើម្បីស្វែងយល់ពីអ្វីដែលសំខាន់បំផុតសម្រាប់អ្នក។

បរិស្ថានដែលមានសំណង់ និងធម្មជាតិល្អ

បរិស្ថានដែលមានសំណង់ និងធម្មជាតិល្អគឺច្បាស់ណាស់ជាអាទិភាពនៃសង្កាត់ SODO។ វារួមបញ្ចូលទាំងទីធ្លាបៃតង និងដើមឈើ។ យោងតាមតំបន់កែលម្អអាជីវកម្ម SODO (SODO Business Improvement Area, SODO BIA) គម្រោងលំហបៃតង SODO គឺជាវាលខ្សាច់ដើមឈើដែលមានគម្របដើមឈើតិចជាង 10%។ សហគមន៍ SODO ចង់បានបរិស្ថានដែលមានសំណង់ និងធម្មជាតិល្អដែលសមស្របទៅនឹងទីកន្លែងឧស្សាហកម្ម ផ្តល់សីតុណ្ហភាពត្រជាក់ និងទ្រទ្រង់ទៅដល់ទន្លេ Duwamish River និង Puget Sound ឱ្យកាន់តែមានសុខភាពល្អជាងមុន។ ការចូលទៅកាន់កន្លែងប្រមូលផ្តុំបៃតងកាន់តែច្រើន និងកាន់តែប្រសើរឡើង រួមទាំងការចូលប្រើរបស់សាធារណៈជននៅតាមដងទន្លេ Duwamish River គឺជាអាទិភាពដ៏រឹងមាំរបស់សហគមន៍។

"សហគមន៍ SODO ចង់បានមណ្ឌលឧស្សាហកម្មបៃតង" - គម្រោងលំហបៃតងនៅ SODO

ការទទួលបានការដឹកជញ្ជូនប្រកបដោយសុវត្ថិភាព និងប្រសិទ្ធភាព

ក្នុងរយៈពេលបួនឆ្នាំកន្លងមកនេះ 10% នៃអ្នកស្លាប់ដោយគ្រោះថ្នាក់ចរាចរណ៍នៅ Seattle ស្ថិតនៅក្នុងរង្វង់មួយភាគបួននៃផ្លូវបំបែក Fourth Avenue South និង South Holgate Street នេះបើយោងតាមក្រុម Vision Zero របស់ Seattle Department of Transportation (SDOT)។ សមាជិកសហគមន៍ចង់បានហេដ្ឋារចនាសម្ព័ន្ធដែលធ្វើឱ្យប្រសើរឡើងនូវលទ្ធភាពទទួលបានការដឹកជញ្ជូនប្រកបដោយសុវត្ថិភាព និងមានប្រសិទ្ធភាពសម្រាប់មនុស្សបើកបរ ដើរ និងរំកិល។ ជាពិសេស សមាជិកសហគមន៍ និងអង្គការនានាចង់បានភ្លើងបំភ្លឺល្អជាងមុន ផ្លូវជិះកង់ដែលមានការការពារ និងការកែលម្អការផ្លាកសញ្ញាបង្ហាញទិសដៅ។

"មុខងារសុវត្ថិភាពជាច្រើនដែលត្រូវការនៅកន្លែងដែលឡានដឹកទំនិញ និងអ្នកថ្មើរជើងប្រទះគ្នា។" - ក្របខណ្ឌទស្សនៈវិស័យនៃកន្លែងបើកចំហរបស់ Georgetown

សុវត្ថិភាពសហគមន៍ និងសាធារណៈ

សុវត្ថិភាពសាធារណៈគឺជាអាទិភាពមួយទៀតសម្រាប់សមាជិកសហគមន៍។ សមាជិកសហគមន៍ចង់បានការកែលម្អភ្លើងបំភ្លឺ ភាពមើលឃើញ សុវត្ថិភាពសម្រាប់កង់ និងអ្នកថ្មើរជើង និងភាពស្អាត។ ជាឧទាហរណ៍ ទាំងរូបភាពរហ័សនៃសង្កាត់ Delridge និងការសិក្សានៃចលភាពនៅ Georgetown លើកឡើងពីភ្លើងបំភ្លឺ និងសុវត្ថិភាពសម្រាប់អ្នកថ្មើរជើងថាជាកង្វល់ដ៏សំខាន់។ គម្រោងសហគមន៍មួយចំនួនបានបង្កើតកងកម្លាំងបំពេញកិច្ចការ និងបានធ្វើការសិក្សាអំពីសុវត្ថិភាពជាក់លាក់ ដូចជាកងកម្លាំងបំពេញកិច្ចការសុវត្ថិភាពសាធារណៈនៅ Georgetown ជាដើម។ អង្គការសហគមន៍ដូចជា SODO BIA កំពុងធ្វើការដើម្បីចែករំលែកការព្រួយបារម្ភអំពីសុវត្ថិភាពជាមួយមន្ត្រីជាប់ឆ្នោត និងកំណត់អត្តសញ្ញាណធនធានដើម្បីធ្វើឱ្យសង្កាត់ផ្ដល់នូវអារម្មណ៍ស្វាគមន៍កាន់តែច្រើនសម្រាប់អ្នកដែលមកលេង។

"[ហេដ្ឋារចនាសម្ព័ន្ធថ្មី] គួរតែរួមចំណែកដល់ការបង្កើនភាពរស់រវើក ការអភិវឌ្ឍ និងសុវត្ថិភាពនៃតំបន់។" - របាយការណ៍វឌ្ឍនភាពនៃការរៀបចំផែនការស្ថានីយ៍ផ្នែកបន្ថែមនៃទីក្រុង West Seattle និង Ballard Link៖ SODO

សង្កាត់រឹងមាំ និងរស់រវើក

SODO គឺជាការរួមបញ្ចូលគ្នាដ៏រស់រវើកនៃឧស្សាហកម្ម អាជីវកម្ម និងការកម្សាន្ត ដែលស្ថិតនៅតាមបណ្តោយទន្លេតែមួយគត់របស់ទីក្រុង Seattle គឺទន្លេ Duwamish River។ SODO គឺជាកន្លែងសម្រាប់សិល្បករ សិល្បៈសាធារណៈ និងផ្ទាំងគំនូរលើជញ្ជាំង ពហុកីឡដ្ឋាន និងមហោស្រពតន្ត្រី។ សមាជិកសហគមន៍ឱ្យតម្លៃទៅសង្កាត់ថាបានគាំទ្រអាជីវកម្មសហគមន៍ជាមួយនឹងការងារដែលផ្តល់ប្រាក់ឈ្នួលនូវកម្រិតជីវភាព សហគមន៍សិល្បករ និងជីវិតពេលយប់។ ជាឧទាហរណ៍ អ្នកចូលរួមនៅក្នុងគម្រោងគោលគំនិតផ្លូវនៅ Pioneer Square បានលើកឡើងពីសកម្មភាព ហាង និងភោជនីយដ្ឋាន និងវត្តមានប្រវត្តិសាស្ត្រដែលជាផ្នែកខ្លះដែលពួកគេចូលចិត្តនៃសង្កាត់នេះ។ អ្នកចូលរួមនៅក្នុងទិដ្ឋភាពទូទៅនៃលទ្ធភាពនៃកីឡាដ្ឋានប្រចាំមណ្ឌលបានកត់សម្គាល់វិធីនានាក្នុងការផ្តល់នូវការតភ្ជាប់កាន់តែច្រើននៅទូទាំងសង្កាត់ និងធ្វើឱ្យតំបន់ជុំវិញកីឡដ្ឋានកាន់តែមានភាពរស់រវើក។

"SODO គឺជាមណ្ឌលពាណិជ្ជកម្មដ៏រស់រវើក និងចម្រុះជាមួយនឹងវត្តមានឧស្សាហកម្មដ៏រឹងមាំដែលរួមបញ្ចូលគ្នាជាមួយអាជីវកម្មលក់រាយ ការិយាល័យ និងសេវាកម្ម។ SODO ក៏ជាកន្លែងសម្រាប់ការកម្សាន្តយ៉ាងរីកដុះដាល និងកន្លែងកម្សាន្តពេលរាត្រី ដោយមានបារ ភោជនីយដ្ឋាន ក្លឹប និងកន្លែងព្រឹត្តិការណ៍ដែលកំពុងរៀបចំឡើងនៅទូទាំងមណ្ឌល" - SODO BIA

ការងារប្រាក់ឈ្នួលគ្រួសារ និងការបណ្តុះបណ្តាលការងារ

ចាប់ពីការងាររបស់យើងនៅលើ ស្ថានីយ៍ប្រព្រឹត្តកម្មអាកាសធាតុធ្លាក់ភ្លៀងនៅ Georgetown និងគម្រោង កន្លែងផ្ទុកពេលមានអាកាសធាតុធ្លាក់ភ្លៀងនៅ West Duwamish ទៅដល់ការងារលើភាពជាដៃគូរបស់យើងជាមួយ EPAលើការសម្អាតរបស់កម្មវិធី Superfund ចំពោះផ្លូវទឹក Duwamish ខាងក្រោម យើងបានឮសមាជិកសហគមន៍អំពាវនាវឱ្យមានឱកាសការងារដែលផ្តល់ប្រាក់ឈ្នួលនូវកម្រិតជីវភាពនៅក្នុងវិស័យទឹកស្អាត និងនិរន្តរភាព។ ផែនការសកម្មភាព Duwamish Valley រួមមានឱកាសផ្នែកសេដ្ឋកិច្ច និងការងារដែលជាផ្នែកអាទិភាពមួយរបស់គម្រោងដែលមានគោលដៅបង្កើនលទ្ធភាពទទួលបានការចូលប្រើប្រាស់ក្នុងតំបន់ក្នុងការចុះកិច្ចកុងត្រា និងការងារនៅក្នុង Duwamish Valley។ តាមរយៈការងារនេះ យើងនឹងស្វែងរកឱកាសដើម្បីផ្តល់ការបណ្តុះបណ្តាលការងារ រៀបចំពិព័រណ៍ការងារ និងដំណើរទស្សនកិច្ច និងភ្ជាប់អ្នកស្វែងរកការងារទៅនឹងឱកាសនៃការបណ្តុះបណ្តាលនៅក្នុងសហគមន៍មូលដ្ឋានរបស់ពួកគេ។

"នៅក្នុងផែនទី និងរបាយការណ៍ចក្ខុវិស័យរបស់ Duwamish Valley សមាជិកសហគមន៍បានបង្ហាញយ៉ាងច្បាស់ពីសារៈសំខាន់នៃការរក្សាមូលដ្ឋានដីឧស្សាហកម្មខណៈពេលដែលលើកទឹកចិត្តដល់ឧស្សាហកម្មប្រកបដោយភាពស្អាតគ្មានមេរោគ និងបង្កើនឱកាសសម្រាប់ការងារក្នុងស្រុក។ ប្រជាពលរដ្ឋក៏ស្រមៃឃើញតំបន់អាជីវកម្មដែលរីកចម្រើន និងចម្រុះនៅជិតសង្កាត់របស់ពួកគេផងដែរ។" - ផែនការសកម្មភាព Duwamish Valley

យើងចង់ស្តាប់មតិពីអ្នក! សូមឆ្លើយសំណួរខាងក្រោមដើម្បីជួយយើងស្វែងយល់អំពីភាពចម្រុះនៃគុណតម្លៃ និងអាទិភាពនៅក្នុងសហគមន៍របស់អ្នក។

សំណួរស្ទង់មតិ

បំពេញសំណួរខាងក្រោមដោយជ្រើសរើសចម្លើយមួយ ឬទាំងអស់ ដែលមាន តាមការណែនាំ។ សូមកុំភ្លេចចុចលើពាក្យថា “comment” (មតិយោបល់) ឬ “confirm your selection” (បញ្ជាក់ការជ្រើសរើសរបស់អ្នក) ដូចដែលបានបង្ហាញនៅពេញការស្ទង់មតិដើម្បីកត់ត្រាអំពីចម្លើយរបស់អ្នក។ ប្រើម៉ឺនុយនៅខាងលើទំព័រដើម្បីផ្លាស់ទីទៅកាន់ផ្នែកដែលនៅសល់របស់គេហទំព័រ ហើយបំពេញសំណួរស្ទង់មតិបន្ថែមស្របពេលជាមួយគ្នានោះ។