White Center Ponds គម្រោងរចនាឡើងវិញ
White Center Ponds គម្រោងរចនាឡើងវិញ
ប្រាប់យើងពីការផ្លាស់ប្តូរដែលយើងគួរធ្វើចំពោះ White Center Ponds!
សូមស្វាគមន៍ យើងចង់បានមតិយោបល់របស់អ្នក!
King County កំពុងរៀបចំប្លង់បឹង White Center Ponds ឡើងវិញ។ យើងនឹងជីកបឹងឲ្យកាន់តែជ្រៅ ដូច្នេះ បឹងនឹងស្តុកទឹកភ្លៀងបានច្រើនថែមទៀត ហើយមានទឹកពេញមួយឆ្នាំ។ ធ្វើបែបនេះ នឹងកាត់បន្ថយទឹកជំនន់ក្នុងសង្កាត់ ហើយជួយសម្អាតទឹក ដែលហូរចូលបឹង និងអូរ ដែលត្រី បក្សី សត្វរស់ក្នុងទឹកផងលើគោកផង និងសត្វផ្សេងទៀតប្រើប្រាស់។ ប៉ុន្តែ បឹង White Center Ponds មិនមែនគ្រាន់តែជាបឹងស្តុកទឹកភ្លៀងប៉ុណ្ណោះទេ។ បឹងនេះក៏ជាតំបន់ធម្មជាតិ និងទីធ្លាបៃតង ដែលសាធារណជនប្រើប្រាស់។ យើងចង់រៀបចំទីតាំងនេះឲ្យបានល្អប្រសើរសម្រាប់មនុស្សគ្រប់រូបនៅក្នុងសង្កាត់។ តើអ្នកចង់ឲ្យយើងផ្លាស់ប្តូរតំបន់ធម្មជាតិបឹង White Center Ponds ដោយរបៀបណា? សូមបញ្ចេញមតិយោបល់របស់អ្នក ដោយឆ្លើយនូវសំណួរស្ទង់មតិខ្លីទាំង 10 សំណួររបស់យើង ដូចខាងក្រោម៖
យើងចង់ដឹងពីអ្នក!
ក្រុមរៀបចំប្លង់របស់យើងកំពុងចូលរួមក្នុងកិច្ចប្រជុំ និងព្រឹត្តការណ៍សហគមន៍នៅទូទាំង White Center។ យើងដឹងស្តាប់យោបល់របស់មនុស្សគ្រប់រូបដែលចាប់អារម្មណ៍លើគម្រោងនេះ។
គោលដៅរៀបចំប្លង់៖
ធ្វើឲ្យបឹងក្លាយជាកន្លែង ដែលមនុស្សគ្រប់គ្នាក្នុងសហគមន៍អាចរីករាយទៅលេង និងយល់ថា មានសុវត្ថិភាព។
បង្កើនសុវត្ថិភាព និងពង្រឹងលទ្ធភាពប្រើប្រាស់សម្រាប់អ្នក ថ្មើរជើង។
បង្កើនឱកាសកម្សាន្ត និងលទ្ធភាពប្រើទីធ្លាព៌ណបៃតង។
សម្រាប់ព័ត៌មានបន្ថែម និងដើម្បីចុះឈ្មោះសម្រាប់ព័ត៌មានថ្មីរបស់គម្រោង សូមចូលទៅគេហទំព័ររបស់យើង៖
ទិដ្ឋភាពទូទៅរបស់គម្រោង
បឹង White Center Ponds គឺជាតំបន់ដីសើម និងបឹងស្តុកទឹកភ្លៀង។ នៅពេលភ្លៀងធ្លាក់ បឹងប្រមូលទឹកដែលនាំមកទាំងសារធាតុបំពុល ពេលទឹកភ្លៀងហូរកាត់ផ្លូវ និងចិញ្ចើមផ្លូវ។ បឹង White Center Ponds ជួយសម្អាតទឹក។ ពេលទឹកភ្លៀងស្ថិតនៅក្នុងបឹង វាទុកពេលឲ្យសារធាតុបំពុលធ្លាក់ទៅបាតបឹង បន្ទាប់មកបុគ្គលិកថែទាំអាចយកសារធាតុបំពុលនោះចេញបាន។ រុក្ខជាតិដែលលូតលាស់នៅជុំវិញបឹង បឺតយកសារធាតុបំពុល និងសារធាតុចិញ្ចឹមចូលក្នុងឫស។ រុក្ខជាតិដែលលូតលាស់នៅក្នុងទឹក ក៏ចាប់សារធាតុស្អិត ដូចជាប្រេង និងខ្លាញ់ ហើយបង្ការកុំឲ្យសារធាតុទាំងនេះហូរទៅផ្ទៃខ្សែទឹកនៅខាងក្រោមផងដែរ។ បន្ទាប់មក ទឹកស្អាតជាងមុននេះ ត្រូវបង្ហូរចូលទៅក្នុងបឹង Mallard Lake និងបឹង Hicklin Lake នៅឧទ្យាន Dick Thurnau Park រួច ហូរទៅ Salmon Creek ហើយហូរចូលទៅក្នុង Puget Sound។
សម្រាប់ព័ត៌មានបន្ថែម និងដើម្បីចុះឈ្មោះសម្រាប់ព័ត៌មានថ្មីរបស់គម្រោង សូមចូលមើលលើ គេហទំព័របស់យើង តើមានសំណួរបន្ថែមឬ? សូមទាក់ទងមក Marta Olson ។
អញ្ចឹង តើមានបញ្ហាអ្វីខ្លះ?
White Center កំពុងក្លាយជាតំបន់កាន់តែអភិវឌ្ឍថែមទៀត។ ពេលមានផ្លូវថ្នល់ ផ្លូវដើរ និងអគារបន្ថែម នោះមានន័យថា មានដី និងរុក្ខជាតិកាន់តែតិច ដែលអាចបឺតយកទឹកភ្លៀង។ ទឹកភ្លៀងហូរលើផ្លូវថ្នល់ និងផ្លូវដើរ ហើយហូរឆ្លងកាត់លូបង្ហូរទឹកចូលទៅក្នុងបឹងស្តុកទឹកភ្លៀង។ បរិមាណទឹកភ្លៀងច្រើនពេកអាចជន់លិចផ្លូវក្នុងសង្កាត់ ហើយនាំឲ្យមានការជាតិបំពុលក្នុងទឹកបឹង និងទឹកអូរ។
គុណភាពទឹកនៅលើផ្ទៃទឹកខាងក្រោមនៅបឹង Hicklin Lake (Lake Hicks) មានគុណភាពមិនល្អជាច្រើនឆ្នាំមកហើយ។ សារាយមានជាតិបំពុលបានបណ្តាលឲ្យគេបិទបឹងជាញឹកញាប់ ហើយបឹងធ្លាប់ទទួលរងផលប៉ះពាល់ដោយសារតែកម្រិតខ្ពស់នៃ សារធាតុផូស្វ័រ និងបាតេរី (បាតេរីខូលីហ្វម)។ បើទោះបីជាមានការសម្អាតទឹកពីមុនមកៗ ដោយប្រើសារធាតុអាលុយមីញ៉ូមសុលហ្វាត ទទួលបានជោគជ័យខ្លះៗក៏ដោយ ក៏ប៉ុន្តែបរិមាណសារធាតុបំពុលកម្រិតខ្ពស់នៅតែបន្តជាបញ្ហា។ នេះមានន័យថា ជារឿយៗ ការហែលទឹកក្នុងបឹងគ្មានសុវត្ថិភាពទេ វាបង្កគ្រោះថ្នាក់ចំពោះសត្វចិញ្ចឹម ហើយបឹងមិនផ្តល់ទីជម្រកល្អសម្រាប់បក្សី ឬសត្វដទៃទៀត។
បឹង White Center Ponds គឺជាតំបន់សាធារណៈ និងជាតំបន់ធម្មជាតិ ប៉ុន្តែមនុស្សជាច្រើននាក់ជៀសវាងតំបន់នេះ ដោយសារតែក្តីកង្វល់អំពីសុវត្ថិភាព។ តំបន់នេះងងឹតខ្លាំងនៅពេលយប់។ ព្រៃក្រាស់ពិបាកមើលមិនធ្លុះ និងផ្តល់ជាគម្របសម្រាប់បោះជំរុំ ជាពិសេស ពេលបឹងរីងស្ងួតក្នុងរដូវក្តៅ។ ជារឿយៗ ការិយាល័យតម្រួតប្រចាំតំបន់ King County ត្រូវបានគេហៅឲ្យទៅត្រួតពិនិត្យមើលក្នុងតំបន់នោះ និងជុំវិញបឹង ដោយសារតែសកម្មភាពខុសច្បាប់។
តើនឹងមានការផ្លាស់ប្តូរអ្វីខ្លះដោយសារការរៀបចំប្លង់ឡើងវិញ?
បឹងដែលបានរៀបចំប្លង់ឡើងវិញ នឹងស្តុកទឹកពេញមួយឆ្នាំ ហើយកាន់តែងាយក្នុងការមើលធ្លុះព្រៃឈើ។ ក្រុមការងារគម្រោងនឹងពិចារណាបន្ថែមប្រព័ន្ធបំភ្លឺ ដើម្បីឲ្យទីតាំងកាន់តែមានសុវត្ថិភាពនៅពេលយប់ ហើយក៏នឹងបន្ថែមចំណុចផ្សេងទៀតផងដែរ ដើម្បីលើកទឹកចិត្តឲ្យសហគមន៍ប្រើប្រាស់ទីតាំងនេះកាន់តែច្រើនឡើង។ តើអ្នកមានគំនិតយោបល់អំពីរបៀបយើងអាចធ្វើឲ្យតំបន់ជុំវិញបឹងល្អប្រសើរឡើងដែរឬទេ? សូមប្រាប់យើងអំពីគំនិតរបស់អ្នកក្នុងសំណួរស្ទង់មតិខ្លីរបស់យើងដូចខាងក្រោម៖
- តើនឹងត្រូវមានអ្វីខ្លះ ដើម្បីឲ្យអ្នកយល់ថា មានសុវត្ថិភាពនៅបឹង White Center Ponds?
- តើយើងអាចបន្ថែម ឬផ្លាស់ប្តូរអ្វីខ្លះ ដែលនឹងធ្វើឲ្យអ្នករីករាយចង់ទៅលេងនៅបឹង White Center Ponds?
- តើមានចំណុចណានៅបឹង White Center Ponds ដែលអ្នកចង់ឲ្យយើងរក្សាទុកដដែល?
គម្រោងរៀបចំប្លង់ឡើងវិញនេះនឹងធ្វើឲ្យបឹងនានាមានទំហំកាន់តែធំ ដែលនឹងឲ្យបឹងទាំងនោះស្តុកទឹកបានច្រើនថែមទៀត។ លទ្ធផលគឺ នឹងមានគ្រោះទឹកជំនន់ក្នុងសង្កាត់កាន់តែតិច ក្នុងអំឡុងពេលព្យុះភ្លៀងខ្លាំង។ បឹងកាន់តែធំ ក៏នឹងឲ្យទឹកភ្លៀងស្ថិតក្នុងបឹងកាន់តែយូរផងដែរ។ នេះនឹងជួយបំបាត់សារធាតុបំពុល ហើយឲ្យរុក្ខជាតិបឺតយកទឹក។ នេះមានន័យថា ទឹកកាន់តែស្អាត ហូរទៅក្នុងបឹង Hicklin Lake, Salmon Creek និង Puget Sound។
ពេលយើងជីកពង្រីកបឹង គុម្ភឈើ និងដើមឈើមួយចំនួននៅទីនោះនឹងត្រូវកាប់ និងគស់ចេញ។ ប្លង់ថ្មីនឹងកំណត់អាទិភាពលើការការពារដើមឈើធំៗដែលមានស្រាប់ ទៅតាមលទ្ធភាព។ ដើមឈើធំៗមួយចំនួន នឹងត្រូវរក្សានៅលើកោះចំកណ្តាលបឹង។ វានិងស្រដៀងទៅនិង បឹងដែលរៀបចំប្លង់ឡើងវិញ ដែលមានទីតាំងនៅខាងត្បូងគម្រោងនេះ នៅចន្លោះផ្លូវ Southwest 100th និងផ្លូវ Southwest 102nd ។ រុក្ខជាតិដើម នឹងត្រូវដាក់ដាំ បន្ទាប់ពីការសាងសង់រួច ដើម្បីផ្តល់ទីជម្រកដល់សត្វល្អិត បក្សី និងសត្វផ្សេងទៀត។
តើអ្នកមានបទពិសោធន៍អ្វីខ្លះជាមួយបឹង White Center Ponds?
សំណួរស្តីពីប្រជាសាស្ត្រ
យើងចង់ស្តាប់មតិយោបល់របស់មនុស្សគ្រប់រូបនៅក្នុងសហគមន៍ White Center ។ សំណួរទាំងនេះនឹងជួយឲ្យយើងយល់ដឹងថា តើយើងកំពុងធ្វើបែបនោះដែរឬអត់ និងថាតើយើងអាចខកខានមិនបានស្តាប់មតិយោបល់របស់អ្នកណាខ្លះ។ ការឆ្លើយសំណួរទាំងនេះ គឺជាការស្ម័គ្រចិត្តទេ។