Soo dhowaada, Waxaanu Rabnaa Talooyinkiina!  

Degaanka King wuxuu dib u naqshadeynayaa goobta White Center Ponds. Waxaanu si qoto dheer u qodi doonaa balliyada si ay u qabtaan biyaha roobka oo badan oo ay u qoyanaadaan sanadka oo dhan.  Tani waxay hoos u dhigi doontaa fatahaada xaafada iyo gacan ka geysashada nadiifinta biyaha galaya harooyinka iyo durdurada ay isticmaalaan kalluunka, shimbiraha, berri-biyoodka ‘amphibians’ iyo xayawaanka kale.  Laakiin White Center Ponds ma ahan oo kaliya goob biyaha roobka ah.  Goobtu sidoo kale waa degaan dabiici ah iyo meel cagaaran oo ay geli karaan dadweynuhu.   Waxaanu rabnaa in aanu goobtani ka dhigno mid si wanaagsan ugu shaqeysa qof kasta oo ku nool xaafada.  Sideed rabtaa in aanu u beddelno degaanka dabiiciga ah eeWhite Center Ponds? Ka dhig in codkaaga la maqlo adiga oo ka jawaabaya 10-ka su’aalood ee gaaban ee ra’yi ururinta ee hoose. 

Waxaanu rabnaa in aan war kaa maqalno!

Kooxdayada naqshad dejinta ayaa ka qayb galaysa kulamada iyo dhacdooyinka bulshada ee guud ahaan White Center. Waxaanu rabnaa in aan war ka maqalno qof kasta oo daneynaya mashruucani. 

Hadafka Naqshad Dejinta:

• Ka dhigista balliyada meel qof kasta oo ka tirsan bulshadu ku raaxeysan karo oo uu ammaan ku dareemi karo.  

• Wanaajinta badbaadada iyo xoojinta gelitaanka dadka jidka lugaynaya. 

• Kordhinta fursadaha madadaalo iyo helitaanka meel cagaaran.

Wixii macluumaad dheeraad ah iyo si la iskugu diiwaan geliyo macluumaadka cusub ee mashruuca booqo website-keena.

Guudmarka Mashruuca

White Center Ponds waa dhul qoyan iyo xarunta balliga biyaha roobka.    Marka uu roob da’o balliyadu waxay ururiyaan biyaha kuwaasi oo soo qaada wasakhda marka ay maraan waddooyinka iyo laamiyada. White Center Ponds waxay gacan ka geystaan nadiifinta biyaha galaya harooyinka. Marka ay biyaha roobku ku nagaadaan balliga, waxay u saamaxdaa waqti ay wasakhdu ku dagto gunta hoose ee balliga, kaasi oo markaasi ay ka saari karaan shaqaalaha dayactirku. Dhirta ka baxaysa meelaha u dhow balliyadu waxay soo jiidataa wasakhda nafaqooyinka xad-dhaafka ah ee galaya xididadooda. Dhirta ka baxda biyuhu waxay sidoo kale dabtaa/xannibtaa waxyaabaha dhegdheg leh sida saliida iyo dufanka waxayna ka hortagtaa in ay soo raacdo durdurka hoose.  Biyahan nadiifta ahi ka dib waxay ku shubmaan Mallard Lake iyo Hicklin Lake oo ku yaala Dick Thurnau Park ka hor inta aysan aadin/u socon Salmon Creek ee aysan u bixin Puget Sound.

Wixii macluumaad dheeraad ah iyo si la iskugu diiwaan geliyo macluumaadka cusub ee mashruuca booqo website-keena. Su’aalo dheeraad ah?   La xiriir Marta Olson.

Haddaba waa maxay dhibaatadu? 

White Center waxay noqonaysa mid aad u horumarsan.  Marka jidadka, waddooyinka lagu lugeeyo ama dhismayaasha  oo dheeraad ah lagu daro taasi waxay ka dhigan tahay ciidda iyo dhirta oo intii hore ka yar oo la heli karo si ay u nuugaan biyaha. Biyaha roobka ayaa taasi beddelkeeda u qulqula waddooyinka iyo waddooyinka lagu lugeeyo iyada oo roobku ku shubmo balliyada biyaha roobka.     Biyaha roobka oo badani waxay ka fatihi karaan jidadka xaafada waxayna horseedi karaan durdurro iiyo harooyin wasakheysan.

Tayada biyiaha ee durdurka hoose ee ku yaala Hicklin Lake (Lake Hicks) ayaa ahaa kuwo liito sanado badan. Algae sunta ah ee soo baxaya ayaa keenay xiritaanka harooyinka oo soo noqnoqda iyada oo harada ay soo gaareen phosphorus iyo bakteeriyada isku urursan oo heerkoodu sarreeyo (fecal coliform).  Inkasta oo daaweynta biyaha oo hore ee lagu daaweeyay maadada alum oo laga gaaray waxoogaa guul ah, wasakhda isku urursan ee heerkoodu sarreeyo ayaa sii socota in ay dhibaato ahaato.   Tani waxay ka dhigan tahay in aysan badiyaa ahayn mid ammaan ah in lagu dabaasho, ay khatar ku tahay xayawaanka la korsado, lagamana helayo degaan tayo leh oo u wanaagsan shimbiraha ama xayawaanka kale.

White Center Ponds waa degaan dabiici ah oo dadweyne laakiin dad badan ayaa iska ilaaliya goobta iyada oo sababtu tahay walwalka dhanka ammaanka ah.   Goobtu aad ayay mugdi u tahay habeenkii.  Dhirta isku cufan ayay adag yahay in wax laga dhex arko waxayna xijaab u noqotaa xerada teendhada leh ‘camping’ gaar ahaan marka ay balliyadu qalalan yihiin xagaaga.  Xafiiska Mas’uulka ee Degaanka King ayaa inta badan loogu wacaa degaanka u ku yaala ama u dhow balliyada iyada ay sababtu yahay hawlo sharci darro ah.  

Maxaa isbeddel ah oo ku dhici doona dib u qorsheynta? 

Balliyada dib loo naqshadeeyay waxaa ku jiri doona biyo sanadka oo dhan waxaana sahlanaan doonto in wax laga dhex arko dhirta.  Kooxda mashruuca ayaa ka fikiraysa in ay ku darto nalal si markaa goobta la dareemo ammaan xiliga habeenka waxayna sidoo kale ku daraysaa qaabab lagu dhiirigelinayo isticmaalka badan ee bulshada. Ma haysaa wax fikrado ah oo aan ku wanaajin karno degaanka u dhow balliyada?  Nooga sheeg waxa aad u maleyneyso ra’yi ururinteena kooban ee ku qoran hoosta.  

• Maxay kugu qaadan doontaa in aad ammaan ku dareento White Center Ponds?
• Maxaan ku dari karnaa ama ka beddeli karnaa ee kaa ka dhigi kara in aad ku faraxdo aadista White Center Ponds?
• Miyuu jiraa wax ku saabsan White Center Ponds hadda jira oo aad rabto in uu sidii hore ahaado? 

Mashruuca dib u naqshadeynta wuxuu balliyada ka dhigi doonaa kuwo waaweyn kuwaasi oo saamixi doona in lagu keydayo biyo badan.   Natiijadu waxay noqon doontaa fatahaada xaafada oo intii hore ka yar inta lagu jiro roobkii weyn ee da’a.  Balliyada waaweyn sidoo kale waxay biyaha roobka u oggolaadaan waqti dheeraad ah oo ay ku degaan balliyada.  Tani waxay gacan ka geysan doontaa in meesha laga saaro wasakhda oo biyaha loo oggoloodo in ay nuugaan dhirta. Biyahan nadiifta ahi waxay ku shubmaan Hicklin Lake, Salmon Creek iyo Puget Sound. 

Marka aanu qodno balliyada si aanu uga dhigno kuwo waaweyn qaar ka mid ah dhirta yar yar ‘shrubs’ ee hadda jirta iyo geeduhuba waxay u baahnaan doonaan in meesha laga saaro.  Naqshada cusub ayaa mudnaanta siin doonta ilaalinta/dhowrista geedaha waaweyn ee hadda jira markasta oo ay suurtagal tahay.  Qaarka mid ah geedaha waaweyn ayaa la ilaalin doonaa jasiiradaha korkooda ee ku yaala bartamaha balliyada. Waxay u ekaan doonaan sida balliyada dib loo naqshadeeyay ee ku yaala koonfurta mashruucan inta u dhaxaysa jidadka Southwest 100th iyo Southwest 102nd. Dhirta dhulka loogu yimid ayaa la taagi doonaa dhismaha si ay degaan u siiso cayayaanka, shimbiraha iyo xayawaanka kale.  

Waa maxay waayo-aragnimadaada aad u leedahay White Center Ponds? 

Su’aalaha qaab-dhismeedka Dadka. 

Waxaanu rabnaa in aanu war ka maqalno qof kasta oo ka tirsan bulshada White Center.  Su’aalahani waxay naga caawin doonaan fahamka haddii aan sameynayo ama haddii aynaan sameynayn taasi iyo kuwa laga yaabo in codadkooda ay meesha ka maqan yihiin.  Ka jawaabida su’aalahani waa mid ikhtiyaari ah.